【有感】想生就有？

終於抗壓能力低、悲觀主義嘅我都係忍唔住搜尋ivf（試管嬰）的片，聽完愈心慌，我諗我真係要儲起脂肪拎打針。因為用原芯筆試下拮都幾痛。但另一個問題係十多萬只做一次又真係超出能力範圍。又忍唔住線上求籤，下（衰多兩錢）

我了解自己愈放鬆愈放鬆唔到，愈放鬆唔到就意味我哋步入ivf又進一步，因為同一時間我都俾咗壓力先生，應該令佢都升唔到上精英班。

上一次冇check過AMH(其中一個卵巢功能指標），我奇怪點解唔check, 原來未夠一年，未當係不育，要搵到問題再解決唔到先到最後一步人工受孕，先check AMH, 因為太早或者太細個check, 對女性造成很大壓力。但dhea, Q10可以改善卵巢功能，而dhea 係透過做下半身運動💪🏻增加，所以要每日做squat…

今日個肚又好似就嚟m 前咁痛痛下。所以應該都9成詐糊。但一諗到去旅行先嚟m 我都冇辦法喇，死頂~希望個trip 開心平安順利喇。

下個月入院準備做子宮內窺鏡檢查。

其實，係咪因為上天知道bb唔會開心所以唔想佢俾我呢？我又自責喇

【有感】想生就有？

 再睇醫生，check 埋先生，發覺佢都有地方衰咗。我記係多囊架喇。忽然間，當我知道佢都有問題，我自私地感覺輕鬆咗。一係因為唔洗太自責自己有問題。二係因為佢會明白多咗我之前嘅徬徨同憂鬱。

但宜家輪到佢怪自己可能根本佢先係個主因。其實係兩個人都有問題。琴日大家傾起如果到最後做埋試管（其實去到呢一步，雙方都會很易情緒失控了）都失敗，咁點啊？佢自己答番自己，即係好好培育兩個外甥喇。聽得出佢好灰心失望。

我有時係到諗會唔會係上天都覺得我地唔會教得好下一代或者我地會因為小朋友而不幸福，所以想我地覺悟呢？

下個月應該如冇意外我會做麻醉的宮腔檢查，如有瘜肉就切埋佢。經間出血問題係要正視嘅。