【有感】想生就有？

 再睇醫生，check 埋先生，發覺佢都有地方衰咗。我記係多囊架喇。忽然間，當我知道佢都有問題，我自私地感覺輕鬆咗。一係因為唔洗太自責自己有問題。二係因為佢會明白多咗我之前嘅徬徨同憂鬱。

但宜家輪到佢怪自己可能根本佢先係個主因。其實係兩個人都有問題。琴日大家傾起如果到最後做埋試管（其實去到呢一步，雙方都會很易情緒失控了）都失敗，咁點啊？佢自己答番自己，即係好好培育兩個外甥喇。聽得出佢好灰心失望。

我有時係到諗會唔會係上天都覺得我地唔會教得好下一代或者我地會因為小朋友而不幸福，所以想我地覺悟呢？

下個月應該如冇意外我會做麻醉的宮腔檢查，如有瘜肉就切埋佢。經間出血問題係要正視嘅。